Pas shpalljes së Koncistorit
të parë të Benediktit të XVI, në mikrofonin e Radio Vatikanit, kardinali Jozef Tomko
flet për lidhjen ndërmjet kardinajve dhe Pasardhësit të Pjetrit ( Papës);
Presidenti
i Shqipërisë, Alfred Moisu mbërriti sot në Romë, ku pasdite vizitoi Bashkësinë katolike
të Shqiptarëve emigrantë në Itali e Romë pranë Kishës së Shën Gjonit të Mullagave.
Nesër paradite, Presidenti Mosiu do të pritet në audiencë nga Ati i Shenjtë Benedikti
XVI-të në Vatikan.
Kisha katolike në Shqipëri është e impenjuar në vijë të
parë për luftimin dhe çrrënjosjen e hakmarrjes. Misioni i priftërinjve në rrethin
e Durrësit për pajtimin dhe ndihmesën e familjeve të ngujuara nga gjakmarrja.
Në
zbulimin e rrënjëve të krishtera të Evropës: vijojmë me ciklin e reflektimeve mbi
këtë argument. Sot në mikrofonin e Radio Vatikanit flet kardinali Angjelo Skola
Duke
shfletuar kalendarin e sotëm, kisha përkujton Shën Polikarpin e Izmirit, ipeshkëv
dhe martir, nxënës i Shën Gjonit apostull.
68 xhamia janë djegur dhe së paku
100 persona janë vrarë pas atentatit të djeshëm në xhaminë shiite të Samarrës. Blloku
kryesor irakian politikë i myslimanëve sunitë është tërhequr sot nga negociatat për
formimin e qeverisë së re, duke fajësuar Aleancën shiite për dhunë sektare.
Të
paktën 138 nigerianë kanë vdekur në përleshjet pesëditëshe të myslimanëve dhe të krishterëve
të Nigerisë, ku e ardhmja politike është bërë e pasigurt për shkak të tensioneve fetare.
Vetëm në kryeqytetin e krishterë të zonës jug-perëndimore të Nigerisë, Onishta janë
vrarë të paktën 85 njerëz gjatë ushtrimit të dhunës.