Argumentet kryesore të 20 shkurtit: këtu mund të ndiqni krejt emisionin
“Fetë dhe simbolet
e tyre të respektohen por intoleranca dhe dhuna nuk mund të përligjen kurrë si përgjigje
ndaj fyerjeve” – kështu u shpreh Benedikti XVI në fjalimin drejtuar ambasadorit të
ri të Marokut pranë Selisë së Shenjtë.
“Të forcojmë identitetin e krishterë”
- u tha Ati i Shenjtë ipeshkvijve të Senegalit, Guinesë Bisaut dhe Kepit të Gjelbër
që ndodhen për një vizitë në Vatikan.
Vala e protestave të dhunshme kundër
karikaturave të Muhametit shkaktoi një viktimë të re. Atë Michael Gajere, meshtar
katolik, u vra nga një grup demonstruesish islamikë, në Bulunkutu, Nigeri.
Në
Vjenë nisën bisedimet mes Prishtinës dhe Beogradit, nën udhëheqjen e ndërkombëtarëve,
për përcaktimin e statusit të Kosovës.
Kryeministri Sali Berisha dhe Presidenti
i Komisionit Evropian Jose Emanuel Barroso nënshkruan në Tiranë marrëveshjen e Stabilizim-Asocimit
të Shqipërisë me BE-ian.
Duke shfletuar kalendarin kishtar përkujtojmë
Shën Eleuterin, ndërsa kalendari historik përkujton sot rrëzimin e monumentit të diktatorit
Enver Hoxha në Tiranë.