Papa dhe Vatikani: Angazhimi i përbashkët për rivendosjen e pajtimit e të paqes, në
respektimin e të drejtave njerëzore e në mënyrë të veçantë të lirisë fetare: kjo ishte
ndër temat kryesore të bashkëbisedimeve të Papës me kryeministrin e Libanit Fouad
Siniora në takimin e sotëm në Vatikan.
Një vit pas vrasjes së kryeministrit Rafik Haririt, vra me 14 shkurtin e vitit të
kaluar bashkë me njëzetë persona tjerë, Papa Benedikti XVI priti sot në audiencë pasaardhësin,
kreun e qeverisë së Libanit, Fouad Siniora me bashkëshorten dhe delegacionin zyrtar
shoqërues të përbërë nga pesë ministra, ambasadori i Bejrutit pranë Selisë së Shenjtë,
Naji Abi Assi, e këshilltarë diplomatikë. Kjo vizitë, sipas njoftimit të Sallës së
Shtypit të Selisë së Shenjtë,- që kishte për qëllim konfirmimin e devocionit të madh
të popullit libanez ndaj Papës së Romës e ndaj Selisë së Shenjtë në përgjithësi, e
cila përherë është pranë këtij Kombi fisnik”. Në bisedën private mes Papës Ratzinger
dhe kryeministrit Siniora, që zgjati afro 20 minuta, është folur mbi situatën aktuale
në Liban dhe në Lindje të mesme, mbi temën e dialogut me Islamin dhe edukimin e popullsive
në pajtim e paqe, pas situatës së krijuar në vendet myslimane pas botimit të karikaturave
mbi Muhametin. Një tjetër temë mbi të cilën kanë shkëmbyer opinionet Ati i Shenjtë
dhe Presidenti libanez është ajo e marrëdhënieve ndërmjet feve të ndryshme të pranishme
në Liban dhe mbi incidentet e kohëve të fundit në lagjen kristiane të Bejrutit. Po
kështu u folë mbi takimin që u mbajt ditëve të kaluara nga kryeministri libanez me
të gjithë krerët fetar të vendit të kedërave. Për Libanin, duhet thënë se dy ditë
më parë, qendra e Bejrutit ishte e rrethuar: flamuj të bardhë e të kuq, parulla kundër
shërbimeve sekrete siriane të akuzuara për vrasje të Haririt dhe kërkesa për dorëheqjen
e Presidentit filosirian Emile Lahoud. Para një viti, pikërisht në saje të mobilizimit
të stërmadh të turmave të qytetarëve, që u quajt “revolucioni i kedrave”, u realizua
tërheqja e ushtarëve sirianë nga Libani, pas 29 vjetësh të qendrimit të tyre ushtarak
në këtë vend. Në Liban ndryshimi akoma nuk arrijnë të asimilohet në të gjitha aspektet
sociale. Për këtë, Kisha maronite, ka deklaruar disa herë duke kërkuar një “pajtim
kombëtar”, për çka ajo ka qenë në shenjestër të shumë sulmeve. Këto ditë, me rastin
e festës së Shën Maronit, murgut që ka jetuar në Siri ( 345-420) besimtarët e të cilit
në shekujt që pasuan u quajtën Maronitë, patriku, kardinali Nasrallah Pierre Sfeir
u ka bërë thirrje të fuqishme “të gjithë besimtarëve maronitë të ndërmarrin udhën
e re të një spiritualiteti të vërtetë të bazuar mbi pajtimin, tolerancën e faljen
reciproke”. Duke përmendur incidentet e javëve të kaluara që kanë shkaktuar dëme
shpirtërore e materiale në vende të ndryshme të kultit e në kuvende maronite në Bejrut,
patriku Sfeir u ka kërkuar “përgjegjësve të garantojnë mbrojtjen e vigjilencën maksimale
për të shmangur shpërthimin e një lufte të re civile që mund të shkatërrojë misionin
e Libanit”. Po kujtojmë gjithashtu se me rastin e takimit me trupin diplomatik, në
fillim të vitit, Papa Benedikti XVI, kur përmendi Libanin, e bëri duke nënvizuar se
“popullsitë e këtij vendi duhet të gjejnë, edhe me mbështetjen e solidaritetit ndërkombëtar,
thirrjen e vet historike, atë të bashkëpunimit të sinqertë e të frytshëm ndërmjet
bashkësive të ndryshme fetare”.( 16 shkurt 2006 R.V.)