Сусветны Патрыярх Барталамей I° выказаўся аб "дацкiх карыкатурах" i аб забойстве каталiцкага
святара ў Турцыi.
Патрыярх Канстантынопальскi Барталамей I° наведаў Мексыку на мiнулым тыднi. Выступаючы
перад журналiстамi, высокi госць асудзiў публiкацыю ў Данii сумна вядомых карыкатур
на прарока Мухаммеда. “Мы рашуча выступаем за павагу да веры i рэлiгii ўсiх людзей,
- зазначыў Сусветны Патрыярх. – I мы жадаем, каб менавiта такiм чынам iншыя паважалi
нашу веру, рэлiгiю, Царкву, i мы самi павiнны з павагай ставiцца да веры нашых братоў”.
Барталамей I° таксама рашуча асудзiў нядаўняе забойства каталiцкага святара Андрэа
Санторо ў турэцкiм горадзе Трабзон. “Мы асуджаем гэты акт тэрарызму, гэта злачынства,
i не толькi таму, што ягонай ахвярай стаў хрысцiянскi святар. Мы падобным чынам асудзiлi
б такое злачынства, калi б яно было здзейснена ў адносiнах да любога чалавека”, -
падкрэслiў Сусветны Патрыярх. Пад час выступлення перад журналiстамi, Барталамей
I° паведамiў, што ягонае спатканне са Свяцейшым Айцом Бенедыктам XVI° у днях 28-30
лiстапада ў Стамбуле “хутчэй за ўсё адбудзiцца”.