Sot (9 shkurt) paradite Papa Benedikti XVI priti në audiencë private në Vatikan, zonjën
Laura Bush, bashkëshorte e presidentit amerikan, Xhorxh Bush.
Menjëherë pas takimit me Atin e Shenjtë, zonja Bush, duke folur me grupin e gazetarëve
amerikanë që e shoqëronin, shpjegoi se gjatë bisedës, Ati i Shenjtë i shprehu shqetësimin
e tij për fenomenin e terrorizmit si dhe për valën e dhunës që ka përflakur botën
islamike pas publikimit të karikaturave mbi Muhametin. Shpresa e Shenjtërisë së Tij
për tolerancë e për paqe, është edhe shpresa jonë; vetëm kështu të gjithë do të kenë
respekt për të afërmin, sepse dhuna nuk mund të jetë kurrë mënyrë e përshtatshme për
t’iu përgjigjur atyre që mund të na fyejnë- nënvizoi zonja Bush.