З нагоды гэтага Сьвята Папа Бэнэдыкт 16 адслужыў, ў чацьвер 2-га лютага ў дзень Гасподняга
Ахвяраваньня ( Грамніц), Сьвятую Імшу ў Базыліцы Сьвятога Пятра. Разам з Папаю саслужылі
яе старшыні ды працаўнікі Кангрэгацыі да спраў Інстытутаў Пасьвячанага Жыцьця і Таварыстваў
Апостальскага Жыцьця як таксама 10 Гэнэральных старшыняў іншых Законаў. Ватыканская
Базыліка была перапоўненая законнікамі ды законніцамі. У сваім казаньні Папа Бэнэдыкт
16 сказаў, што адданьне пасьвячаных асоб Богу і братам зьяўляецца для сёньняшняга
сьвету знакам таго, што Божае Каралеўства прысутнае. Іхняя поўная адданасьць Хрысту
і Касьцёле гэта моцнае, выразнае абвяшчаньне аб прысутнасьці Бога зразумелаю моваю
таксама людзям нам сучасных. Гэта першая паслуга, якую пасьвячанае жыцьцё аддае Касьцёлу
і сьвету. Затым Сьвяцейшы Айцец спаслаўся да працэсыі з грамніцамі, якою пачалася
Літургія. Падкрэсьліў, што пасьвячаныя асобы—так як запаленыя сьвечкі—маюць заўсёды
пашыраць любоў Хрыста, які ёсьць сьвятлом сьвету. Пасьля казаньня прысутныя ў Базыліцы
Сьвятога Пятра законнікі і законніцы склалі разам з Папам падзяку Богу за дар пасьвячанага
жыцьця.