Пасланьне Папы Бэнэдыкта 16 на 40 Дзень Сродкаў Масавай Інфармацыі
Да абвяшчаньня таго, што добрае і сапраўднае, заахвочвае Папа Бэнэдыкт 16 людзей масс-мэдыяў
ў сваім першым пасланьні на Сусьветны Дзень Сродкаў Масавай Інфармацыі. У пасланьні
Папа спасылаецца да агульнае тэмы гэтага дня, якая гучыць: “Масс-мэдыя сеткаю паведамленьняў,
супольнасьці і садзейнічаньня”. Зьвяртае ўвагу, што тэхнічны поступ ў галіне масс-мэдыяў
перамагае час і адлегласьці. Стаецца магчымым неадкладны і непасрэдны кантакт паміж
людзьмі міма падзяляючай іх прасторы. Гэта павінна служыць дабру чалавецтва, але
не заўсёды так дзеецца. Мы штодзённа можам пераканацца, што непасрэднасьць паведамленьня
зусім не вядзе да супрацоўніцва і адзінства ў грамадзтве”. Сапраўднае паведамленьне-
сьцвярджае Сьвяцейшы Айцец—патрабуе адвагі і рашучасьці”. Працаўнікі масс-мэдыяў
перад навалам інфармацыі не могуць пісаць паўпраўды. Мусяць пашыраць тое, што становіць
сэнс і канчатковую аснову чалавечага жыцьця на асабістай і грамадзкай плоскасьцях.
Тады масс-мэдыя ўзносяць канструктыўны ўклад да распаўсюджваньня ўсяго, што добрае
і сапраўднае. Хаця сродкі масавай інфармацыі аблягчаюць абмен інфармацыямі ці ідэямі,
прычыняючыся да ўзаемнага зразуменьня, адначасна могуць быць сапсутыя двухсэнсоўнасьцю-
піша Бэнэдыкт 16. Прысутныя ў іх тэндэнцыі могуць нараджаць аднабаковую культуру,
якая зацямняе творчы змысл, культурныя і рэлігійныя вартасьці. Да гэтага даходзіць
тады, калі масс-мэдыя зьяўляюцца мэтаю самою ў сабе, настаўленыя толькі на прыбытак,
без браньня адказнасьці за супольнае дабро. Неабходным зьяўляецца гарантыя вернага
прадстаўляньня фактаў і сумленнага знаёмленьня з рознымі пунктамі гледжаньня. Асаблівае
значэньне мае падтрымліваньне сужонскага і сямейнага жыцьця, якое зьяўляецца асноваю
кожнае культуры і грамадзтва. Масс-мэдыя павінны паказваць прыклады жыцьця і чалавечае
любові, якія нас падмацоўваюць. Тымчасам іхняя годнасьць там часта фальшуецца,прыніжаецца
і высьмейваецца—піша Папа ў пасланьні на 40-ы Сусьветны Дзень Сродкаў Масавай Інфармацыі.