Згодна з традыцыяю урачыстая Вячэрня, якую адслужыў у Базыліцы Сьвятога Паўла
за Мурамі ў Рыме, Папа Бэнэдыкт 16 ў сераду 25-га студзеня, ў дзень наверненьня Апостала
Паўла, закончыла гэтыя сьвяткаваньні. Перад прадстаўнікамі іншых Цэркваў і царкоўных
Супольнасьцей, Папа паўторна даручыў Богу сваю Пятровую Паслугу молячыся, каб заўсёды
яна спрыяла ўзросту братэрскай еднасьці ўсіх пасьлядоўнікаў Хрыста. Заданьнем нас,
хрысьціян, ёсьць быць у Эўропе і сярод усіх народаў, сьвятлом сьвету- сказаў Сьвяцейшы
Айцец. Ох, каб Бог дазволіў нам асягнуць хутка жаданае, поўнае адзінства. Узнаўленьне
нашага адзінства дазволіць больш пасьпяхова весьці эвангэлізацыю. Адзінства зьяўляецца
нашаю супольнаю місіяю- працягваў сваё казаньне Папа Бэнэдыкт 16. Становіць ўмову,
каб сьвятло Хрыста больш пасьпяхова пашыралася ва ўсіх кутках сьвету, дзеля наверненьня
і збаўленьня людзей. Яшчэ доўгая дарога перад намі. Не трацьма аднак даверу, што
больш, з новым энтузыязмам давай ўздымем супольную дарогу. Папа прыпомніў, што
цярплівае шуканьне поўнага адзінства сярод вучняў Хрыста павінна адбывацца ў сьвятле
фундамэнтальнае праўды, што Бог ёсьць любоў”ю. Гэтаму менавіта прысьвечана энцыкліка
“Deus caritas est”. Сапраўдная любоў не нішчыць слушных розьніц- сказаў на заканчэньне
Папа Бэнэдыкт 16—але прадстаўляе вышэйшы род адзінства, не накіданага звонку, але
быццам-бы з унутра, надаючы форму цэласнасьці, якая багатая ў розныя дары.